نكت جزائرية 2012

نكت جزائرية
2012

-واحد مجنون بالرسوم المتحركة مات باباه كتبلوا في قبروا the and

-واحد
حراق لاسبانيا بعد عام كلم باباه في الدشرة قالوا بابا راني تزوجت وجاني
الايدز عفانا الله منه قالوا باباه وعلاه ما سميتوش على جدك العلواني

-واحد مجنون ولدت مرتوا توام جن رجلها وقالها شكون اب الطفل الثاني

-المعلم:مامعنا كلمة سبيل. الطالب:طريق.. المعلم:ممتاز.. والأن ما معنا كلمة (سلسبيل) الطالب: طرطريق .

-كاين زوج ركبوا تاكسي واحد ساق والاخر جذور

-واحد مدرب رياضة مجنون عينوه في مدرسة المعوقين راح درب اول حصة قفز حواجز.

-زوج مهابل هربوا من مستشفى المجانين ركبوا سيارة الاول قال الثاني دور على اليمن قالوا الثاني دور انت راني نسوق

-واحد مجنون راح لجنازة قام يخطب عليهم قالهم الانسان كيما بني ادم اذا مات يتوفى.

-
واحد مجنون عيط في البرتابل ديالو لنميرو في الزهر مالا جاوبت وحدة قالها
هذا النميرو نتاع محمد قاتلوا لالا قالها مالا وعلاه تريبوندي.

أيا واحد خروف صقصا أمه : قالها مااااااا وين راه باااااااااا قالتلو اتبااااااع

أيا واحد جا فايت على جدار فيه ثقب , سمع من ورا الجدار 12 . 12 .12 ....
قتلو الفضول شاف من هذاك الثقب , ثقبولو عينه سمع بعدها 13 13 13 .....

واحد دار عرس وعرض نساء بزاف , المهم اللي اسمها مليح كيما سارة , سوسو ,
ميمي , شاهيناز , يروحو لكار , واللي اسمها ماشي مليح كيما , خيرة ومرزاقة
والعلجة , يروحو لكاميو باش يديرو كورتاج, المهم كل ما تجي وحدة يسقصيها
صاحب العرس وش اسمك , تقولو سارة يقولها الكار , الأخرى واش اسمك ؟ , تقولو
زوينة يقولها الكاميو ,,, حتى جات وحدة قالها واش اسمك قاتلو فتيحة
ويعيطولي فاتي , قالها ديري دورة للكار وأرجعي للكاميوووووووو

. قالك واحد مرة لقى عجوز هازة قرعة غاز تعبتها بزاف , ايا قالها يما نهزلك
القرعة وادعيلي دعوة خير , عطاتهالو وقاتلو الله يفتحها في وجهك

زوج تزوجو , وبعد 20 سنة زواج المرأة حملت , ما تفاهموش , هو قالها نسميه
خير الدين , وهي قاتلو خير الله , المهم , كي ولدت طفل خرج
صغييييييييييييييير سماوه " خير من بلاه "

واحد راح يخطب في طفلة , قالو باباها /: واش تخدم ؟ قالو : جارنا طبيب

واحد خرج من مستشفى المجانين , يخدم حلاق , أيا جاء الزبون الأول , كي بدا يحففلو , سقصاه : تستحق وذنك ؟؟
الزبون يحسبوا يضحك معاه "اعتقد أنه يمزح " : قالو لا , المهبول قطع أذن
ال****ون ورماها في الخارج , الزبون مات من الرعب , عاود سقصاه : تحتاج
الأذن الأخرى ؟, الزبون قالوا برعب ايه , الحلاق قطعها واعطاهالو

قالك واحد طلع في طيارة , نهار طلعو وخلصوا جات المضيفة قاتلهم من داخ ؟؟
هز هذا السيد يدو قالها أنا عطاتو الدوا , ممبعد شوي زادت جات قاتلهم من
داخ قالها أنا , زادت عطاتو دوا , زاد شوي شوي جات قاتلهم من داخ ؟ قالها
أنا زادت عطاتلو الدوا , المهم وحد العشر مرات حتى مات السيد من الدوا بزاف
, نهار شافو بطاقة التعريف لقاو وسمو منداخ رابح

أيا قالك واحد قتل مرتو , داوه للمحكمة , أيا صقصاه القاضي وعلاش قتلتها ,
قالو راها تخون فيا مع صاحبها , قالو القاضي كيفاش عرفت ؟ قالو شوف بطاقة
التعريف مكتوب فيها " إمضاء صاحبها "

واحد الطفل ديما يروح لحانوت يقولو : عندك ملح ؟ اعطيني سكر . عندك قزوز ؟
أعطيني سعيدة , يصقصيه على حاجة ويدي حاجة أخرى , المهم وحد المرة كان جايز
باباه , عيطلو مول الحانوت قالو : ولدك راه يمرضني , يصقصي على حاجة ويدي
حاجة أخرى , قالو باباه : عندك عصا ؟ قالو ايه , قالو أضربو بكف

هايلييييييييييييييييييييييييين هههههههههه
[b]

victoiri85 كتب:: هايلييييييييييييييييييييييييين هههههههههه
[b]

» نكت جزائرية رائعة!!!!!!
» أمثال شعبية جزائرية : الباقة الاولى
» امثال شعبية جزائرية : الباقة الثانية
» مـــــاجستير جامعة الاغواط 2012/2011
» مـــــاجستير جامعة سكيكدة 2012/2011